ආරුගම්බේ මුහුදු තීරයේ සුන්දර සන්ධ්‍යාවක්

2016-07-01 10:35:00       695
feature-top
යාළුවොත් එක්ක සෙට්වෙලා විනෝද ගමනක් යන්නට තියෙනවානම් අපේ කොල්ලන්ට කෙල්ලන්ට ඊට වැඩිය දෙයක් නැතුව ඇති. එසේ විනෝද චාරිකාවක් යාමට තැනක් ලෙස ආරුගම්බේ වෙරළ තීරය හඳුන්වන්න පුළුවන්. ලංකාවේ දෙස්-විදෙස් සංචාරකයන්ගේ ආකර්ෂණය නොමදව ලැබෙන ස්ථානයක් වන ආරුගම්බේ වෙරළ තීරය පිහිටා තියෙන්නේ ශ්‍රී ලංකාවේ නැගෙනහිර පළාතේය.

ආරුගම්බේ වෙරළෙහි ඇති අපූරත්වයට හේතුවන්නේ නොගැඹුරු මුහුදත් එහි අලංකාරවූ පරිසරයත් හේතුවෙනවා. බොහෝ දෙස් විදෙස් සංචාරකයන් ආරුගම්බේ වෙරළ තීරයට පැමිණෙන්නේ දියමත ලිස්සා යෑමේ ක්‍රීඩා සඳහා ලෝකයේ වඩාත් උසස්ම තත්ත්වයෙන් යුත් වෙරළ තීරයක් වන හෙයිනි. ඔබත් ආරුගම්බේ වෙරළෙහි සුන්දරත්වය විඳ ගන්නට යන්නට කැමැත්තෙන් සිටිනවානම් ඒ සඳහා සුදුසුම වේලාව සවස්වරුව ලෙස හඳුන්වන්න පුළුවන්. මන්ද නැගෙනහිර ප්‍රදේශයේ පවතින අධික රස්නය හා හිරු කිරණින් ආරක්ෂා වීමටය.

සවස්වරුවේ හිරු බහිනවත් සමග වෙරළ තීරයට එක් කරන්නේ අමුතුම සුන්දරත්වයකි. ඒ වගේම රාත්‍රී කාලේද මේ වෙරළ තීරයේ සංචාරකයන්ගෙන් අඩුවක් නැත. වෙරළෙහි පිහිටා ඇති අවන්හල්ද මේ වෙරළ තීරයට එක් කරන්නේ සුන්දරත්වයකි.

රාත්‍රී කාලයේ මෙම තීරයේ ගිනිමැලය වටා ඔබේ මිතුරු මිතුරියන් සමග ගී ගයමින් විනෝද වෙන්නටද අවස්ථාව තිබෙනවා.

ඒ වගේම ඔබට මතක් කරන්න තවත් කරුණත් තියෙනවා. සංචාරකයන්ගේ බහුලත්වය නිසාම මේ ප්‍රදේශයේ සොරුන්ගේද අඩුවක් නැත. ඒනිසා ඔබ වෙරළ තීරයට වටිනා බඩු භාණ්ඩ රැගෙන යාමෙන් වළකින්න කියාත් මතක් කරන්න ඕන. ඔබේ විනෝදය අතරේ මේ පිළිබඳත් මතක තබාගන්න.

saravita.lk
 


More News »