53 Views  
වලපනේට දායාද වූ සොදුරු පාරාදීසය
‘ඔස්ලින්ක්’ හෝටලය කාමර 35 කින් සමන්විතය. එයින් 30 ක්ම වායු සමීකරණය කර තිබේ. මේ හැම කාමරයක්ම විශේෂ ගෘහ නිර්මාණ ශිල්පයකට අනුව ඉහළම ප්‍රමිතියට නිමකර ඇත. එසේම ඒවා සියලු උපාංග වලින් සහ පහසුකම් වලින් ද යුක්තය.

කාමර ඉල්ලුම් කිරීමේ දී ඔබගේ අවශ්‍යතාවයට ගැලපෙන පරිදි ඔබගේ කාමරය වෙන්කරවා ගත යුතුය.

උඩුමහල් වල ඇති කාමර ප්‍රමාණයෙන් විශාල උපරිම පහසුකම් සහිත ඒවා වන අතර වැඩි පාරිසරික වට පිටාවක් දැකගත හැකි වන සේ සකස් වූ විශාල බැල්කනි වලින් ද සමන්විතය.

ගොඩනැගිල්ලේ ඇතුලත ඇති පොදු ඉඩකඩ ද වෙන් කර තබා ඇත්තේ ඕනෑම පිරිසකට නිදහසේ ගැවසීමටත්, වාඩිවී සතුටු සාමිච්චියේ යෙදීමටත්, හුදෙකලාව වට පිටාවේ සිරි නැරඹීමටත් අවශ්‍ය සියලු අවකාශ සංචාරක ඔබට ලබා දීමේ අපේක්ෂාවෙනි.

ඉහළ මහල් වලටත්, වහලය මත ඇති උයනටත් එහි සිට තවත් ඉහළින් පිහිටා ඇති නැරඹුම් මැදිරියටත් ළඟාවීමට පහසු වන සේ විදුලි සෝපානයක් සවිකර ඉදිකර ඇති අතර එම නැරඹුම් මැදිරිය අංශක 360 ක වටපිටාවක් කිසිම අවහිරයකින් හෝ බාධාවකින්  තොරව දැක බලාගැනීමට හැකි වන සේ නිමවා ඇත. උදෑසන හිරු උදාව බැලීමටත් , වලපනේ ප්‍රදේශය වටකරගෙන ඇති කඳු වැටි හොඳින් දැකබලා ගැනීමටත්, වලපනේ නගරය සහ එහි වටපිටාව හොඳින් දැකබලා ගැනීමටත්, දවසේ හිරු බැස යාම දැකීමටත්, රාත්‍රී කාලයේ අලංකාරය සහ නිහැඬියාව අත්විඳීමටත් මේ නැරඹුම් මැදිරිය තරම් අපූරු වූ තවත් තැනක් වලපනේ ඇතැයි මම නොසිතමි.


‘ඔස්ලින්ක්’ හොටෙල් උත්සව ශාලාව අමුත්තන් 300 කට වැඩි පිරිසකට එකවර පහසුවෙන් අසුන්ගත හැකි වන සේ ඉතාමත් විශාලව මෙන්ම අලංකාරව නිමකර ඇත. ප්‍රමිතිය අතින් ඉහළම තත්ත්වයේ ඇති මේ සුපිරි උත්සව ශාලාවද නිමකර ඇත්තේ සුවිශේෂ වූ ගෘහ නිර්මාණ ශිල්පකට අනුව වීම විශේෂත්වයකි. මෙහි විශාල පිරිසකට අවශ්‍ය සියලුම පහසුකම් අඩුපාඩුකින් තොරව සපයා ඇත.


‘ඔස්ලින්ක්’ හොටෙල් ආයතනයේ සේවය කරන ප්‍රධාන අරක්කැමි මහතාගේ මූලිකත්වයෙන් පිළියෙල කෙරෙන රස බොජුන් ඕනෑම අමුත්තකුගේ රස නහර පිනවීමට සමත්ය.

මේ උත්සව ශාලාවේ විවාහ මංගල්‍ය සහ අනෙකුත් උත්සව ගණනාවක්ම මේ වනවිටත් පවත්වා ඇති අතර  ඒ සියලු දෙනාගේම ලැබී ඇත්තේ වචනයෙන් විස්තර ‍කළ නොහැකි තරම් අගය කිරීම් හා සුභ පැතුම්ය.


ආයතනයේ ඇති අනෙකුත් පහසුකම් අතරට පිළිගැනීමේ කවුන්ටරය සහ තාවකාලිකව රැඳී සිටීමේ ශාලාව (ලොබි එක) නේවාසික අමුත්තන් සඳහා වූ භෝජනාගාරය, පොදුවේ පාවිච්චි කෙරෙන දෙවන භෝජනාගාරය, අවන්හල, ලොන්ඩ්රි පහසුකම්  ආදිය දැක්විය  හැකිය. එසේම රියදුරු මහතුන් සඳහා වෙන්කෙරුණු කාමර ද ආයතනය සතුය. මේ සමහරක් පහසුකම් කල් ඇතිව වෙන්කරවා ගත යුතු බැවින් කාමර ඉල්ලා සිටින අවස්ථාවේදීම සඳහන් කර සිටීම අත්‍යවශ්‍යය.


මෙහි පැමිණෙන ඔබට, සිංහල ක්‍රමයට හදපු කෑම මුළු දවස පුරාම රස විඳීමට පුලුවන් අතර බේකරි නිෂ්පාදනද එලෙසින්ම උණු උණුවේ රස බැලීමටත් පුලුවන. සංචාරක ඔබ වෙනුවෙන් ඔබගේ අවශ්‍යතාවයට සරිලන සේ විශේෂ ආහාර පාන සකස්කර දීමට අපේ ප්‍රධාන අකරක්කැමියා සූදානමින් සිටින අතර ඔබ කළ යුත්තේ කල් ඇතිව ඔබේ අවශ්‍යතාවය දන්වා සිටීම පමණි.

කන්ද උඩ පවත්වාගෙන යන, ‘ඔස්ලින්ක්’ හෝටලයට අයිති එළවලු කොටු වලින් නෙලාගෙන එන නැවුම් එළවලු උයා පිහා ඔබට පිළිගැන්වෙන අතර මෙහි දී ඔබ අනුභව කරන සමහර පලතුරු ද නැවුම් ලෙස ඔබට ලැබෙන්නේ මේ කොටු වලින්ය.


මේ වතුවල ඇති කිතුල් ගස් වලින් පැණි හකුරුත්, ගවයින් ගෙන් ලැබෙන කිරිත් ඔබට රස විඳීමට හැකි බව දක්වනු කැමැත්තෙමු.

මේ කන්ද උඩ ඇති බංගලාවේ නතරවීමට කැමති සංචාරකයින්ට ඒ පහසුකමද සපයා ඇති අතර බාහිර ලෝකයෙන් සම්පූර්ණයෙන්ම වෙන් වී දින කීපයක් හෝ ඊටත් වැඩි කාලයක් ගත කිරීමට හිතන ඔබට මෙය කදිම තැනකි. කල් ඇතිව ඒ වෙනුවෙන් වෙන්කරවා ගැනීමේ පහසුකම ද ‘ඔස්ලින්ක්’ හෝටලය විසින් සකසා තිබේ.


මෙකී බොහෝ දෑත්, කඳුරට ඇති තවත් නොකී බොහෝ දේත් දැක බලා ගැනීමට සහ ඒ සුන්දරත්වය අත් විඳීමට කැමති ඔබට ‘ඔස්ලින්ක්’ හෝටලය වෙත පැමිණෙන ලෙස එහි අධිපතිතුමා සහ කාර්ය මණ්ඩලය ඔබට ගෞරවයෙන් ආරාධනා කර සිටී. ‍

මේ ආකර්ෂණීය වටපිටාවත්, තමන්ගේ දෙයක් සේ පරිහරණය කළ හැකි පහසුකම් පෙළක් ඔබේ නිවාඩුව කුල්මත්ව ගතකිරීමට මඟසලසනු ඇත.


අංග සම්පූර්ණ සංචාරක හෝටලයක් වලපනේ ගොඩ නැගුණු පළමු අවස්ථාව මෙය වන අතර මේ  ආයතනය වලපනේ ජනතාවට දායාද කළ වෛද්‍ය අජන්ත සෙනෙවිරත්න මහතාට සහ එතුමාගේ පවුලේ සැමට අතිශයින්ම කෘතඥ වන බව පවසා සිටින්නේ ප්‍රදේශවාසීන්, ආගමික නායකයින්, රාජ්‍ය හා රාජ්‍ය නොවන ආයතන ප්‍රධානීන්, ප්‍රදේශය නියෝජනය කරන දේශපාලනඥයින් මෙන්ම ප්‍රදේශයට පැමිණෙන සංචාරකයින් ඇතුලු සියලු දෙනාය.


o